Olivier Giroud ya sa hannu ga sabon kwantaragi na shekara daya da kungiyar kwallon kafa ta Chelsea

Dan wasan kwallon kafa Olivier Giroud ya sa hannu ga sabon kwantaragi na shekara daya da kungiyar kwallon kafa ta Chelsea. Dan wasan ya bayyana hakan ne a shafin sadarwar kungiyar inda ya ce "Ina matukar farin cikin sanya hannu a wannan sabon kwantaragin nawa." Ina matukar sha'awar na sake ko da shekara daya ne a nan, ina son kungiyar tun a da can baya, ina kuma fatan zamu kara lashe wasu kofuna a nan gaba." Daraktan Chelsea Marina Granovskaia ya kara da cewa "Mun ji dadin gani cewa Olivier dan wasan Chelsea ne a wasa mai zuwa. Tun da ya zo kungiyar wasan kwallon kafa ta Chelsea wata 18 da suka wuce, wani lokacin yana yin hakuri ya jira a bashi dama amma ya taimaka wa kungiyar sosai. Muna fatar shi lashe kofin sa na biyu a Chelsea a wasan sa Europa da zamu buga a Baku domin ya kara a kan kofin FA din da ya ci a shekarar da ta gabata".

ALSO READ: Shin ko kun san yadda bacci ke daukar mutum?